Kompetisaun Internasional Summer Deaf Olympics ba dala-25 iha Tokyo-Japaun

Eventu ne hala’o iha Keio Arena Tokyo no atleta sira hahu kompetisaun iha dia 16 Novembru 2025. Atleta Defisiensia Tilun nain-tolu hola parte iha kompetisaun jogu badminton ninian. Sira nain-tolu joga badminton single feto, single mane, mix feto mane no double mane.

   

 

Sira nain-tolu konsege esforsu sira nia an no hatudu esforsu ne’ebe durante sira halo preparasaun hodi kompete duni ho kompetedor/a husi Nasaun seluk maibe sira mesak hasoru ema nivel Internasional entaun sira lakon ho nasaun sira nebe sira kompete hamutuk. No sira mos foin primeira vez tuir kompetisaun refere.

“Sira nia lakon ne’e Laos sai obstakulu ba sira atu lakon vontade maibe ida ne’e hanesan lisaun no esperiensia ida ba sira atu aprende no fila mai Timor hanorin fali nia maluk sira ho defisiensia tilun no sira mos nafatin treinu hodi prepara sira nia an didiak atu nunee iha futuru karik iha oportunidade hanesan ne’e sira mos bele joga ho diak liu tan”.

Nune’e KDT-TL hakarak agradese ba parte hotu ne’ebe suporta Atleta nain-tolu ho ekipa nia viajem ba Tokyo-Japan liuliu agradese ba: Governu liu husi MJDAC no Kompania Dili Mark ne’ebe apoiu fundus oituan hodi fasilita sira nia viajem, agradese mos ba CPNTL ne’ebé fasilita sira hodi trata sira nia dokumentus no ikus liu hakarak agradese ba Fundasaun NIPPON ne’ebe suporta tebes sira no loron-loron akompana sira hodi fasilita sira durante iha ne’eba.