Sesta 9 – 10 Julhu 2025, ekipa Asosiasaun defisiénsia Timor-Leste/ADTL hamutuk ho Klibur Defisiénsia Tilun Timor-Leste/KDT-TL hala’o intervensaun ba iha Postu Administrativu Atauro ne’ebé dadauk ne’e iha hela faze preparasaun ba Munisipiu Atauro.
Ekipa ne’e nia intervensaun atu kordena koperasaun serbisu ba asuntu inkluzaun defisiénsia iha Atauro, ekipa ne’e hala’o soru-mutu ho Administrador Postu Atauro inklui Chefe Suku sira hodi kordena inkluzaun defisiénsia.
Administrador Postu Atauro Sr. Mateus Belo kontente hodi hasoru malu ho ekipa ne’e ba kordenasaun serbisu esensial sira hanesan ne’e, hau nia parte contente hodi simu imi ba asuntu ida ne’e no iha ne’e ami sente nafatin husi hela maluk defisiénsia iha dezenvolvimentu nia kotuk tamba ami la iha kondisaun no la intende oinsá atu integra maluk defisiénsia sira iha programa sira ne’ebé iha liliu asesu ba edukasun no seluk tan informa Administrador Postu Atauro ne’e.
Ita presija la’o hamutuk ba dezenvolvimentu iha Atauro hodi asegura grupu hotu-hotu hola parte no benefisia ba dezenvolvimentu núne’e hau tau ba ajenda hodi kordena koperasaun ida ne’e ba futuru.
Ekipa ne’e kordena hodi instala sentru rekursu integradu ida ba ema ho defisiénsia hodi fasilita maluk defisiénsia sira hodi asesu no hetan atendimentu oin-oin liu-husi sentru ida ne’ebé sei estabelese iha futuru.
Alende soru-mutu sira ho autoridade Postu no Suku ekipa ne’e halo mós vijita no intervensaun ki’ik ba maluk ho defisiénsia sira iha Suku Biqueli apoiu sira ne’e hanesan nesesidade basiku no hijiene ba maluk defisiénsia sira, apoiu hirak ne’e mai husi Governu Australia liu-husi Partnerships for Human Development/PHD.
Leave a Reply